22 апрель – Она Ер куни

Қулоқ шанғиллайди...

Учоқ учдими?..

Қон босимим ошиб кетдими яна...

Офият пишадиган ўчоқ ўчдими,

дори шимар онлар етдими яна.

Қулоқ шанғиллайди,

бош айланар боз;

тоқат етмаяпти нечун муҳитга.

Учар ликобчада қилдикми парвоз,

наҳот она Ерда ризқимиз битган.

Қулоқ шанғиллайди...

Келмайди кетгим,

босим ёки учоқ тушсайди қани;

азиз тупроғини кўзимга суртгум,

пешонамга битган бу сайёранинг.

Ғулом Мирзо